राज्य कर्मचाऱ्यांसाठी 2% डी.ए वाढीबाबत महत्वाची माहिती – तारीख निश्चित!
महाराष्ट्रातील शासकीय अधिकारी, कर्मचारी आणि पेन्शनधारकांसाठी एक दिलासादायक अपडेट समोर आली आहे. लवकरच त्यांना 2 टक्के महागाई भत्ता (DA) वाढ मिळण्याची शक्यता आहे.
काय आहे नवी माहिती?
राज्य सरकारकडून केंद्र सरकारच्या धर्तीवर 2% डी.ए वाढ लागू करण्याचा निर्णय घेण्यात येणार आहे. यासाठी वित्त विभागाकडून अधिकृत शासन निर्णय (GR) लवकरच जाहीर केला जाईल, अशी शक्यता वर्तवली जात आहे.
अधिवेशन संपल्यानंतर GR होण्याची शक्यता
राज्य विधीमंडळाचं सत्र 18 जुलै 2025 रोजी संपत आहे. या अधिवेशनात जर डी.ए वाढीसाठी आर्थिक तरतूद झाली, तर अधिकृत GR याच महिन्यात – म्हणजे जुलैच्या शेवटच्या आठवड्यात – काढला जाऊ शकतो.
वेतन व पेन्शनमध्ये वाढीव डी.ए मिळणार
एकदा GR जाहीर झाल्यावर, जुलै महिन्याच्या पगारात किंवा पेन्शनमध्ये वाढीव 2% डी.ए समाविष्ट केला जाईल.
मागील महिन्यांचा फरक देखील मिळणार
ही डी.ए वाढ 1 जानेवारी 2025 पासून लागू होणार असल्याने, त्या तारखेपासून जुलैपर्यंतच्या फरकाची रक्कम देखील कर्मचार्‍यांना आणि पेन्शनधारकांना दिली जाईल.
आधीच कोणाला डी.ए वाढ मिळाली?
याआधी 15 मे 2025 रोजी केंद्र शासनाच्या धर्तीवर अखिल भारतीय सेवा, न्यायिक विभाग व निवृत्त अधिकाऱ्यांसाठी डी.ए वाढ लागू करण्यात आली होती. आता उर्वरित राज्य कर्मचाऱ्यांसाठीही लवकरच GR जारी होण्याची शक्यता आहे.
राज्य कर्मचाऱ्यांसाठी 2% डी.ए वाढीचा मार्ग मोकळा झाला असून, लवकरच त्याचा अधिकृत निर्णय होण्याची शक्यता आहे. त्यामुळे सर्व कर्मचारी व पेन्शनधारकांनी आता GR ची प्रतीक्षा ठेवावी.